وزارة هنديك بالشبشب (( التربية والتعليم سابقا))
اختبار اللغة العربية
إن شاء الله هنشوفك السنة الجاية يا باشا ((ساقط ساقط))
وقت الإجابة : خلص نفسك و اجري
=====================
اسم الطالب : ناسي البطاقة في البيت يا معلم
القسم: علمي علمك
عدد الطلبات : طلب واحد شاي
عنوان المنزل (( في حالة الانتحار أو الوفاة )) : أول ناصية على أيدك اليمين
تليفون المنزل : اتنين صفر و أربعه خضر
=====================
هذا الامتحان برعاية بيبسي كولا
==================================================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختيارى
ملاحظة: عجلة الجاذبية 9.8..(في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو((
==========================================
السؤال الأول :ابقى قابلنى لو عرفت تجاوب
=========================
قال الفنان ريكو في رائعته (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
الاسئله:!!!
1- اشرح الآبيات الأربعة الأخيرة من النص بما لا يقل عن 90 سطرا باختصار شديد
2-لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟
3-استخرج من البيت الأول محسن إبراهيم و محسن إسماعيل مبيناً نوع كل محسن منهما .
4-استخرج من البيت الثالث صورتين فوريتين مبينا نوع الكاميرا
==========================================
مساحة خالية للإعلان- ت : واحد اتنين .. الجيش العربي فين ==========================================
السؤال الثاني :
========
أعط أسباب ما يلي مع شرح وافي :
)) ياعم كبر يا عم بص .. ده حتى بص ده الواد بيلظ ((
======================
بم تفسر!!!!
1- تم نقل السوق المالي إلى سوق السمك ؟
2- إقبال الناس الى شراء نوكيا 9990 و عدم شراء نوكيا 9900 ؟
3- إغلاق شبكة الأخبار Pnn بعد زواج شارون ستون ؟
4-أسباب اندلاع الحرب بين ..... ما فيش فرق، اختر أي حرب، ماهو أنت هتعيد كده كده ؟
==========================================
أخي الممتحن أقلب الصفحة: والله لتندم عالساعة اللي دخلت فيها المدرسة ************************************************** ************************************************** ******************************السؤال الثالث –اختياري-
===============
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
) ورد ذكر اسم هذا الرجل في اكثر من مسلسل تليفزيوني (
==========================================
فاصل إعلاني: غمض عين فتح عين ... اشتري بيتزا تاخد أتنين (( هذا العرض ساري حتى نهاية الوقت المحدد للامتحان ((
==========================================
السؤال الرابع :
========
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" أحكياك ايه خلاص ما أنت شايف من غير ما أقول
أكيد أنت عارف كلام كتير أنا نفسي اقوله و كلام كتير يا ريتك تقوله
جنبك حياتي دي أجمل حياة "
الأسئلة !!!
========
1-ماذا كان يريد ان يقول عمرو دياب للمزة ؟
2- ما نوع الكنبة اللي كان قاعد عليها عمرو في الأغنية , و ما إسم عامل السفنج في المصنع ( مع التوضيح ) ؟
3-ما اسم صبي الخياط بتاع الموديل اللي كانت مع عمرو في الكليب ؟
==========================================
السؤال الخامس (20علامة)
======== ========
موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة أبو حسن زعبولا )) الحاج زعبولا )) و اذكر 3 أسباب عن سبب انفصال الحاج زعبولا عن هندامة (( زوجته الأولى )) فيما لا يقل عن ((150سطر((
==========================================
بيبسى كولا
المشروب الرسمي لهذا الامتحان==========================================
* أخي الممتحن أقلب الصفحة أحسنلك (( أصلك مش عارف اللي فيها ))
==========================================
السؤال السادس :
========
اجب عن أربعة فقط من الأسئلة التالية:
======================
1- ما رأيك بتصرفات " رفيع " و " فرحة " في مسلسل الضوء الشارد ؟
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف "حسام" من "ثرية" في مسلسل الحقيقة و السراب ؟
3-من برأيك أقوى وأفضل بوكيمون - هل هو – بيكاتشو أم بلباصور أم بوكيمون أخر ؟؟؟
4- أذكر أسماء أبطال كابتن ماجد، مع بيان فريق كل منهم.
وما عدد الأهداف التي سجلها الكابتن ماجد في كأس العالم قبل الأخيرة في كوريا و اليابان 2002 ؟
==========================================
العرض المفاجئة اللي هيكسر كل العروض اللي قبله
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
==========================================
سؤال المساعدة لرفع الدرجات ( و ملهوش لازمة أساسا )
================================ أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
=========================================
انتهت الأسئلة و نلقاكم في امتحان الدور التاني أنشاء الله
وربنا يعينكم علينا
الإثنين سبتمبر 03, 2007 9:06 pm
